Doç.Dr. BERDI SARIYEV

Biyografi

ÖZGEÇMİŞ

 .    

GENEL

2.     EĞİTİM

3.     YABANCI DİL DURUMU

4.     AKADEMİK VE MESLEKİ DENEYİM

TERJIMEHAL 

1954-nji ýylda Türkmenistanyň Balkan welaýatynyň Bereket etrabynyň Uzyn-suw obasynda eneden dogulýar. Obada ýerleşýän 4-nji orta mekdebi tamamlaýar. 1974-nji  ýylda Aşgabatdaky Türkmen döwlet uniwersitetiniň türkmen filologiýasy fakultetine okuwa girip, 1979-njy ýylda ony tapawutlanan diplom bilen gutarýar.

1980-1984-nji ýyllaryň arasynda Türkmenistan Magaryf ministrliginiň ýanyndaky Pedagogiki ylymlaryň ylmy barlag institutynyň Türkmen dilini we edebiýatyny okatmak metodikasy bölüminde kiçi ylmy işgär bolup işleýaär.

1984-1988-nji ýyllarda Türkmenistan Ylymlar akademiýasynyň ýanyndaky Magtymguly adyndaky dil we edebiýat institutynda aspiranturada okaýar. Aspiranturany başarnykly tamamlap, “Häzirki zaman türkmen dilinde birsostawly sözlemler” diýen temada ýazan ylmy işini üstünlikli goraýar.

1988-1991-nji ýyllaryň arasynda   Türkmenistan Ylymlar akademiýasynyň ýanyndaky Magtymguly adyndaky dil we edebiýat institutynyň sözlük sektorynda ylmy işgär bolup işleýar.

1991-1994-nji ýyllarda Türkmen milli dünýä dilleri institutynda işlän döwründe mugallymçylygyň ýanysyra kafedra müdiri, dekanlyk wezipelerinde-de işleýär.

Türkmenistanyň Bilim ministrligi bilen Türkiýe respublikasynyň Ýokary bilim geňeşiniň arasynda ýokary bilim boýunça hyzmatdaşlyk etmek üçin baglaşylan ylalaşyga görä 1997-1998-nji okuw ýylyndan başlap häzirki wagta çenli Ankara uniwersitetiniň Dil-taryh we geografiýa fakultetiniň Häzirki zaman Türk dilleri we edebiýatlary bölüminde  türkmen dili we edebiýaty mugallymy bolup işleýär.

Türkmen diliniň dürli ugurlaryna degişli 5 sany kitaby we 100-den gowrak ylmy makalasy bardyr.  20-den gowrak eseri türk dilinden türkmen diline terjime etdi. Şolaryň arasynda Atatürküň “Nutuk” eseri-de bar.

2014-nji ýylda Türkiýe döwletinde Magtymguly Pyragyny tanatmak boýunça ençeme eserleri taýýarlamaga gatnaşdy. Türkmenistanyň Milli golýazmalar instituty tarapyndan taýýarlanylan Magtymgulynyň iki jiltlik saýlanan eselerini türkmen dilinden türk diline terjime eden ylmy toparyň agzalarynyň biridir. Magtymguly Pyragynyň doglan gününiň 290 ýyllyk şanly dabarasyna bagyşlanan “Klasik Düşüncenin Türkmen Mimarları: Devletmehmet Azadi ve oğlu Mahtumkulu” diýen kitaby türk dilinde neşir edildi.

Häzirki wagtda Ankara uniwersitetinde türkmen dili ve edebiýaty mugallymy bolup işleýär. 2020-nji ýylda TDK-nyň (Türk Dil Kurumynyň) habarçy agzalygyna saýlanýar.

Öýlenen, alty gyzy, bir ogly bar.  

                                                                                Berdi Saryýew

                                                                                  29/10/2021 ý.